Speech Delay: When to Start Treatment?

കുട്ടികളിലെ സംസാരവൈകല്യം: എപ്പോൾ ചികിത്സ തുടങ്ങണം?

Speech Delay: When to Start Treatment? Category: Speech Therapy / Parenting Author: Pranaah Child Development Centre Team

"എന്റെ കുട്ടിക്ക് രണ്ട് വയസ്സായി, പക്ഷെ അവൻ ഇപ്പോഴും സംസാരിക്കുന്നില്ല." "അവൾ പേര് വിളിച്ചാൽ വിളി കേൾക്കുന്നില്ല."

കൊല്ലത്തെയും കൊട്ടാരക്കരയിലെയും ഞങ്ങളുടെ സെന്ററുകളിൽ എത്തുന്ന മാതാപിതാക്കൾ ഏറ്റവും കൂടുതൽ ചോദിക്കുന്ന ആശങ്കകളാണിത്. പലപ്പോഴും വീട്ടുകാരും നാട്ടുകാരും പറയും, "പേടിക്കണ്ട, ആൺകുട്ടികൾ സംസാരിക്കാൻ വൈകും" അല്ലെങ്കിൽ "അവന്റെ അച്ഛനും വൈകിയാണ് സംസാരിച്ചത്" എന്നൊക്കെ.

ഈ ഉപദേശങ്ങൾ കേട്ട് കാത്തിരിക്കുന്നത് ശരിയാണോ? അല്ല എന്നതാണ് സത്യം.

കുട്ടികളുടെ തലച്ചോറിന്റെ വളർച്ചയുടെ 80% നടക്കുന്നത് ആദ്യത്തെ 3 വർഷങ്ങളിലാണ്. അതുകൊണ്ട് തന്നെ സംസാരത്തിൽ ഉണ്ടാകുന്ന ചെറിയ കാലതാമസം പോലും നേരത്തെ തിരിച്ചറിഞ്ഞാൽ പൂർണ്ണമായും മാറ്റിയെടുക്കാൻ സാധിക്കും.

പ്രാണ ചൈൽഡ് ഡെവലപ്‌മെന്റ് സെന്ററിലെ സ്പീച്ച് തെറാപ്പിസ്റ്റുകൾ നിർദ്ദേശിക്കുന്ന ഈ ലക്ഷണങ്ങൾ നിങ്ങളുടെ കുട്ടിക്കുണ്ടോ എന്ന് പരിശോധിക്കുക.

എപ്പോഴാണ് ചികിത്സ (Speech Therapy) തുടങ്ങേണ്ടത്?

താഴെ പറയുന്ന ലക്ഷണങ്ങൾ (Red Flags) നിങ്ങളുടെ കുട്ടിയിൽ കാണുന്നുണ്ടെങ്കിൽ ഒരു സ്പീച്ച് തെറാപ്പിസ്റ്റിനെ കാണാൻ വൈകരുത്:

12 മാസം (1 വയസ്സ്)

• കുട്ടി 'TATA- TA, TA ' പറയുകയോ കൈ വീശുകയോ ചെയ്യുന്നില്ല.

• നിങ്ങൾ പേര് വിളിക്കുമ്പോൾ തിരിഞ്ഞു നോക്കുന്നില്ല.

• ആവശ്യമുള്ള സാധനങ്ങൾക്ക് നേരെ വിരൽ ചൂണ്ടുന്നില്ല (Pointing).

18 മാസം (ഒന്നര വയസ്സ്)

• അർത്ഥമുള്ള ഒരു വാക്ക് പോലും പറയുന്നില്ല (അമ്മ, വെള്ളം, പാൽ).

• നിങ്ങൾ പറയുന്ന ലളിതമായ നിർദ്ദേശങ്ങൾ (ഉദാഹരണത്തിന്: "പന്ത് എടുക്കൂ") മനസ്സിലാക്കുന്നില്ല.

2 വയസ്സ്

• രണ്ട് വാക്കുകൾ കൂട്ടി പറയുന്നില്ല (ഉദാഹരണത്തിന്: "വെള്ളം വേണം", "അമ്മ വാ").

• കുട്ടി പറയുന്ന കാര്യങ്ങൾ വീട്ടുകാർക്ക് മാത്രമേ മനസ്സിലാകുന്നുള്ളൂ, പുറത്തുള്ളവർക്ക് മനസ്സിലാകുന്നില്ല.

3 വയസ്സ്

• ചോദ്യങ്ങൾ ചോദിക്കാൻ അറിയില്ല.

• മറ്റുള്ള കുട്ടികളുമായി കളിക്കാൻ താല്പര്യം കാണിക്കുന്നില്ല.

• സംസാരിക്കുമ്പോൾ വിക്കൽ (Stuttering) അനുഭവപ്പെടുന്നു.

എന്തുകൊണ്ടാണ് നേരത്തെ ചികിത്സ തുടങ്ങണം എന്ന് പറയുന്നത്? (Early Intervention)

നമ്മുടെ തലച്ചോറിന് മാറ്റങ്ങളെ ഉൾക്കൊള്ളാൻ ഏറ്റവും കഴിവുള്ള സമയമാണ് ആദ്യത്തെ 5 വയസ്സ് (Neuroplasticity). ഈ പ്രായത്തിൽ സ്പീച്ച് തെറാപ്പി നൽകിയാൽ:

1. വേഗത്തിലുള്ള ഫലം: മുതിർന്ന കുട്ടികളെ അപേക്ഷിച്ച് ചെറിയ കുട്ടികൾ വേഗത്തിൽ വാക്കുകൾ പഠിച്ചെടുക്കുന്നു.

2. സ്വഭാവ മാറ്റങ്ങൾ ഒഴിവാക്കാം: സംസാരിക്കാൻ കഴിയാത്ത കുട്ടികൾ പലപ്പോഴും ദേഷ്യവും വാശിയും കാണിക്കാറുണ്ട് (Tantrums). ആശയവിനിമയം മെച്ചപ്പെടുന്നതോടെ ഈ വാശി കുറയുന്നു.

3. സ്‌കൂൾ പഠനം എളുപ്പമാക്കുന്നു: വായനയും എഴുത്തും തുടങ്ങുന്നതിന് മുൻപേ ഭാഷ കൈകാര്യം ചെയ്യാൻ പഠിക്കുന്നത് കുട്ടിയുടെ ആത്മവിശ്വാസം വർദ്ധിപ്പിക്കുന്നു.

പ്രാണയിൽ (Pranaah CDC) ഞങ്ങൾ എങ്ങനെ സഹായിക്കുന്നു?

കൊല്ലത്തും കൊട്ടാരക്കരയിലുമുള്ള പ്രാണ ചൈൽഡ് ഡെവലപ്‌മെന്റ് സെന്ററിൽ, കുട്ടികൾക്കായി ശാസ്ത്രീയമായ ചികിത്സാരീതികളാണ് ഞങ്ങൾ പിന്തുടരുന്നത്.

• സമഗ്രമായ പരിശോധന: കുട്ടിയുടെ കേൾവിശക്തി, വായയിലെ പേശികളുടെ ബലം (Oral Motor Skills), ബുദ്ധിവികാസം എന്നിവ പരിശോധിക്കുന്നു.

• കളികളിലൂടെയുള്ള പഠനം (Play-Way Method): കുട്ടികൾക്ക് മടുപ്പ് അനുഭവപ്പെടാത്ത രീതിയിൽ കളികളിലൂടെ വാക്കുകൾ പഠിപ്പിക്കുന്നു.

• PECS & OPT: സംസാരിക്കാത്ത കുട്ടികൾക്കായി ചിത്രങ്ങൾ ഉപയോഗിച്ചുള്ള ആശയവിനിമയം (PECS), വായയിലെ പേശികൾക്കുള്ള വ്യായാമം (OPT) എന്നിവ നൽകുന്നു.

• മാതാപിതാക്കൾക്ക് പരിശീലനം: തെറാപ്പി സെന്ററിൽ മാത്രമല്ല, വീട്ടിലും കുട്ടിയെ എങ്ങനെ പരിശീലിപ്പിക്കാം എന്ന് രക്ഷിതാക്കൾക്ക് ഞങ്ങൾ പറഞ്ഞുതരുന്നു.

മാതാപിതാക്കളോട് ഒരു വാക്ക്

"കാത്തിരിക്കാം" എന്ന തീരുമാനം കുട്ടിയുടെ ഭാവിയെ ബാധിച്ചേക്കാം. നിങ്ങളുടെ കുട്ടിക്ക് സംസാരവൈകല്യം ഉണ്ടോ എന്ന് സംശയമുണ്ടെങ്കിൽ, ഒരു സ്ക്രീനിംഗ് ടെസ്റ്റ് (Screening Test) നടത്തുന്നത് എപ്പോഴും നല്ലതാണ്.

നിങ്ങളുടെ കുട്ടി മിടുക്കനാണ്, അവന് വേണ്ടത് ചെറിയൊരു സഹായം മാത്രമാണ്. അത് നൽകാൻ പ്രാണ ഒപ്പമുണ്ട്.

വിദഗ്ദ്ധ പരിശോധനയ്ക്കായി വിളിക്കുക

നിങ്ങളുടെ കുട്ടിയുടെ സംസാരത്തെക്കുറിച്ച് ആശങ്കയുണ്ടോ? കൊല്ലത്തെയോ കൊട്ടാരക്കരയിലെയോ ഞങ്ങളുടെ സെന്ററിൽ ഒരു അപ്പോയിന്റ്മെന്റ് ബുക്ക് ചെയ്യൂ.

📞 ഫോൺ: +91 94460 10728 / +91 90373 47726 📍 കൊല്ലം: PIBSAR ക്യാമ്പസ്, തേവള്ളി ജംഗ്ഷൻ. 📍 കൊട്ടാരക്കര: Mylom, MC ROAD Near MGM School.

Speech Delay: When to Start Treatment?